Sweet Sweet 情人節禮物 (下回)

我太懶啦, 到依家先記得要打番

上回講到我會整個皮既短銀包比佢,

到左星期日, 自己一個人去搭拉閘笠,

到左之後先發覺原來係1對1教我,

由界紙樣到縫針, 超難縫, 縫到手指頭痛

到我自己搭拉閘笠到地下既時候, 我入左笠, 拉曬閘, 架笠都5郁,

我一共拉左3次, 都吾郁, 結果有人跑黎同我搭既時候, 我先可以落到地下

最後既成品係甘

刻左我地2個的縮寫, 吾敢甘高調, 怕佢5拎出街,

一番到去, 佢接我番屋企, 佢好鐘意,
最後我迫佢影張相後, 自己收埋左個銀包,
因為我吾捨得比佢用

Sweet Sweet 情人節禮物

已成人妻了...

開始慢慢習慣床邊的佢....

短短未夠一個月, 我地兩口子已經發生左不同既笑料,

就好似...

我習慣向牆訓, 有次半夜有人拍我膀頭, 我超級驚, 眼定定望住佢, 佢仍然係熟睡中...

第2朝, 同佢講, 佢就陰陰嘴笑, 話完全吾知有呢件事...

又有一次, 我在訓訓下覺, 見到佢訓左在枕頭下面, 諗住拉番佢個頭上枕頭到, 比佢訓好d,

點知, 吾小心插到佢眼.., 比佢罵死左....

但我地2個都有Sweet sweet 時間,

琴日佢搭電梯的時候, 痴住我, 同我講, "依家都吾捨得開OT, 想快d番屋企見到你"  (個刻心甜死)

情人節就到啦, 我之前買左個皮既散子包比佢, 已經用到就爛就爛甘..

把心一橫, 決定出去學整一個獨一無二既比佢,

可惜我太遲報啦, 情人節前已經full曬,

book左16號整, 比個小小surprise佢...

到時製成品就upload上黎啦

之前有諗過買Casablanca的龍鳳被,
捉左老公睇後, 佢話好leung...
之後我同朋友行街, 行過一田見到個叮一聲的床單系列, (雖然吾係龍鳳被)
我又捉我老公去睇, 甘岩又有9折就扑錘買左呢套

我個好好伴娘整左對bear bear公仔比我地,
吾捨得佢好似勞蘇甘食塵, 所以在酒樓先擺出黎...

我地揀左花師奶同花老爺做我地既花車公仔

遞交擬結婚通知書

呼~今日係雙十節..

同樣都是我確認註冊的時間的日子,

在遞完網上預約遞交擬結婚通知書的時侯,

已經一早約了C6去, (冇同佢講可以單人去)

8:45分就要到婚姻註冊處報到,

沒有失眠, 沒有緊張, 

只係在今日感覺好特別,

當等人叫No.的時間 我靜悄悄同C6講, 其實可以一個人黎,

佢話: 我黎咪得囉 你咪吾洗請假...(我心想, 如果你黎到見到一pair pair, 你會哦我...)

當宣誓的時候, 其中一方要站起宣讀聲明,

C6大大聲的讀出黎, 而旁邊坐住的我, 就陰陰笑,

因為全場只有佢一個大大聲的讀....

最後在確認資料的時候, 發現自己有d野填錯左,

比C6笑足全日......重比佢改左個名叫蕃薯, 

佢話如果得佢自己一個黎, 佢會同婚姻主任講"唉~我個蕃薯竟然連XX都填錯"

註冊後, 因為請了半日, 見有時間就捉左C6去睇傢私,

睇左翡翠傢私都有心水, 但好貴.....4000蚊4尺床架....

下午返工, 回想番今早的事, 

就好佚發夢甘...好得意.....

手花及襟花

又一手痕之作...

上網睇到人地用俄羅斯娃娃做手花...

見到的時候, 簡直是眼睛發光...

好靚..可惜在淘寶搵吾到, 自己畫紙樣做..

點知做左個好似翻版甘...(汗.....)

結果自己整左另一隻, 都幾似樣..

呢個係我地2個既樣,

姐妹就會係粉紅色裙仔...

網上預約遞交擬結婚通知書

又完成一個item了,

呢個item比較緊張,

開頭冇睇清楚以為係結婚前3個月,

好彩睇得人地blog多, 知道可以上網check幾時可以最早預約,

有好多新人都會用呢個software "ROBOFORM" (包括我),

真係會快左, 奈何我 8:02分 submit,

優先次序都係排第 3 咋,

前一晚,我跟朋友食放題到11點幾, 1點幾先上床訓覺,

之後朝早6點起身, 6:30出門口, 番公司submit form,

訓左4 hrs 既我, 依家真係好好好好好好累...

收左工重要跳舞, 加油牙!!!!!!!

題外話

從他人口中得知, 99有不快,

覺得咩都係我自己做曬, 吾搵姐妹幫手,

我自己都有搵佢地陪上廣州, 試妝, 影pre wedding

 自己搞有自己搞既開心,

C6早排要考試,所以婚禮d野佢好少接觸,主力我搞,

到佢現在有時間, 我發覺原來有時自己搞會開心D

冇甘多分歧

DIY-戒子枕

呼~終於的起心肝做埋介子枕啦,

做左一半就放左在到好耐好耐....

放相時間~~~~~

材料係:

1) 不織布(白)

2) 不織布(深粉)

3) 不織布(粉)

4) 絲帶

5) 熱溶膠槍

滿足滿足~~~